KM3: TINIG (PENGENG YOSI)

14 anyos pa lang ako ng matutuhan ko ang paghitit ng yosi, iba ibang diskarte pa nga ginagawa ko sa pagpapalabas ng usok. Hanggang sa naperpekto ko ang pagpapalabas ng bilog na usok. Pag walang pera pengeng yosi lagi ang aking mutawi sa mga kaibigan ko. Ang dating paisa-isa ngayon ay nakakaubos na ako ng isang kaha maghapon, dahil dito umitim na ang aking labi at nagkulay kalawang na ang aking mga ngipin. Lagi akong amoy matanda at kumupis na rin ang aking katawan pero di ko eto alintana.

Dahil sa yosi dumami ang aking tropa, dito ko nakilala si Sally kapatid ni Mando na tropa ko rin. Simple ang ganda ni sally at tahimik. Isang gabi ay nagkainuman kami sa bahay nila Mando at sa sobrang kalasingan ay may nangyari samin ni sally. Ilan araw din akong di nakatambay kina Mando at nagulat na lang ako ng mahigit isang buwan ay pinatawag ako ng kanyang magulang. Nagbunga ang ginawa naming ni Sally. 19 pa lang ako tambay at di pa ko handa sa mga susunod na mangyayari. Kinausap ako ng masinsinan ng magulang nya kaharap ang mga magulang ko.

Nagsama kami ni sally sa bahay ng magulang ko, at dito tumindi ang paghitit ko sa yosi. Kahit nasa malapit lang si sally ay patuloy ako sa paghitit. Sa tuwing gagamitin ko siya sa gabe ay nakaka 3 -4 na yosi pa rin ako. Kahit anung pakiusap ni sally na lumayo ako pagnagyoyosi ay tila bingi ako. Lumipas ang buwan at dumating ang kapanganakan ni Sally. Palibhasa wala siyang pormal na chek-up ay isinilang nya ang anak naming na mahina ang baga at mga ilan komplikasyun. Aborido at tulala ako ng makita ang anak ko sa kundisyun nya. Nakita mo na sa sobrang pagkaguhapa mo sa sigarilyo eto ang naging resulta sa anak mo wika ni Sally. Wala naman siyang tinig na pwedeng sabihin at iyak lang na nagmumula sa kanyang tinig ang pwede nyang ipahiwatig. Dapat ikaw na lang wika ni Sally, walang kamuwang muwang ang anak mo, dapat ikaw na lang, sabay ang pagpatak ng mga luha nya.